موضوع: نقول ألووووو . الجمعة أبريل 18, 2008 9:21 pm
نقول ألووووو .
نقول ألووووو .
ألووو هاى أسامة .. عامل ايه؟ أنا جينا
هاى يا جينا و أنا أوسامة
هاى أسامة .. عامل ايه؟ واحشنى موت طحن تقطيييع
مرسى يا جينا .. ربنا يخليكى
أنا مبسوطة أوى يا أسامة انى عرفت أكلمك .. دانا بمووووت فيك
ربّنا يخليكى يا جينا ... عندك كام سنة؟
18 سنه
بتدرسى؟
أكيد ..أنا ف سنة أولى انجليش أكاديمي ..
بيزنس أند أدمينستريشن
و عندى مشكلة جامدة أوى أنا محتاجة أوى سدر حنين أفضفضله ..
و انت قريب أوى منى
خير يا جينا؟
أولا أنتى مخطوبة؟
لأ أنا مرتبطة ..
كنت أعرف واحد من سبع سنين و كنا بنحب بعض خالص و اتفقنا عالجواز .. أصله كان راجل أوى ..
و عنده بى ام .. ..
مش قادرة أقولك أد ايه..
أد ايه يا جينا؟
مش قادرة
.. مش قادرة
وبعدين؟
لقيته بيحب أنتيمتى و لقيت على موبايله ماسجات منها .. و لما واجهته أنكر و قال انها هى اللى عايزه تكلمه بالعافية و حاول يفهمنى أنو برىء
و بعدين؟
هو كان عنده صاحبه الأنتيم
بصراحة شاب ممتاز : ابن ناس و بيروح جولدين جيم ....و عنده إبيزا .....
– هو مرة قبل كده كان بص لى ..
و كانت عينيه بتقول حاجة ..
اتصلت بيه و طلبت انه يقابلنى عشان يساعدنى فى المشكلة ..
بصراحة ارتحت له أوى أوى و قابلته بعد كده كام مرة
طب و الأولانى يا جينا؟
كنت بارتاحله برضه و بقابله .. عادى
أوكى .. مفهوم مفهوم .. و بعدين؟
و بعدين التانى أبتديت أتعلق بيه جدا و مكنتش بعرف أعيش من غيره .. و ف يوم جاتلى مكالمة من واحده بتقوللى انه مش بيحبنى و بيهرج معايا و كده .. قمت اتصدمت جدا جدا (يبدأ صوت أسامه فى التوتر) و التانى كمان صدمك يا جينا؟
ها و عملتى ايه؟
التانى كان عنده ابن خاله خرج معانا مرة و كان بيبصلى بصات غريبة كده و مرة ادانى موبايله ..
معلش يا جينا يا ريت تقوليلنا بالتقريب كده .. أد ايه .. انتى أثرتى المستمعين .. أقصد أثرتى فضولهم
مالوش حل يا أوسامه .. حسيت ان ابن خالة التانى قريب منى أوى و بصراحة اتعلقت بيه و مبقيتش عارفة اعيش من غيره....
طب و التانى يا جينا؟
برضه كنت اتعلقت بيه أوى هو كمان
يعنى كده فى تلاته معلقينك بيهم أوى ؟
أرجوك ماتفهمنيش غلط يا أسامه- كل واحد كان بيملى عندى فراغ معين واضح يا جينا انك فراغاتك زيادة
المهم ... اتقدم لى فى الوقت ده ابن صاحب بابا .. بصراحة شاب ممتاز .. ماكنش عندى حجه عشان أرفضه
قوليلى يا جينا: انتى عندك بابا؟
يعنى موجود و عايش معاكو؟
أيوه طبعا .. أنا بحب بابا و متعلقة بيه جدا ..
هو كمان؟
المهم يا أسامه .. العريس اللى متقدم لى ده مش قادرة أرفضه بيشتغل فى السعودية و جاهز و عنده 180 اس ال كى.. و أهلى بيضغطوا عليّا .. و ف نفس الوقت مش قادره أسيب التانيين .. كل واحد متعلقة بيه بطريقة شكل و كل واحد بيدينى حاجة ناقصانى ..
بصراحة يا أوسامه مش عارفة أعمل ايه؟
أسامه : تقريبا بصى يا جينا .. العريس الوحيد اللى يصلحلك هو أبو الهول .. فيه تنوع و متكامل بس للأسف .. هو عنده مركب شمس كحلى ..
و نسمع : كان فيه بنت اسمها تررررررم
ملحوظة: أسامة منير مذيع برنامج :" أنا و النجوم و هواك"
و المشار اليه هنا ان جينا ماهى الإ عينة عشوائية من " بنات اليوم " اللي بتحب واحد
وعندها مليون واحد احتياطي
مع احترامي لكل بنات المنتدى طبعا
ملحوظه: واضح من الكلام ان اى واحد يبص لبنت يبقى بيحبها
يعني انا بنصح اي واحد هنا انه يبطل يبص لبنات خالص هاااااااااااااااا ايه رأيكم فى البنات اللى بتكون زى البنت دى
GaLiLeO Admin
عدد الرسائل : 875 العمر : 32 الدوله : مزاجي : تاريخ التسجيل : 10/04/2008
موضوع: رد: نقول ألووووو . الجمعة مايو 30, 2008 10:29 pm
موضوع: نقول ألووووو . 
الجمعة أبريل 18, 2008 9:21 pm
نقول ألووووو . 
